Hargeysa(UCID-Media Group) Guddoomiyaha Xisbiga UCID Eng Faysal Cali Waraabe oo ay weheliyaan Masuuliyiin kamid ah Hogaanka Xisbiga iyo Xoghayayaasha Xisbiga ayaa Caawa ka qeyb-galay Xaflad balaadhan oo lagu shaacinayay looguna wanqalayay Murashax C.qaadir Axmed Batuun (Barre) oo u taagan doorashada golaha Wakiilada ee Gobolka Maroodijeex.
Xafladdan oo ka dhacday Scandanivian Hotel, ayaa waxaa kasoo qeyb-galay, Madax-dhaqameed, Odayaal, waxgarad, haween iyo taageerayaal tiro-badan.
Dhamaan mudantii iyo haldoorkii halkaas ayaa ka markhaati kacay aqoonta iyo kartida uu leeyahay Aqoonyahan C.qaadir Batuun, waxaanay ballan-qaadeen innay garab-istaagi-doonaan una codayn-doonaan.
