Murashaxa Madaxweyne Ee UCID Eng Faysal Cali Waraabe Oo Si Balaadhan Loogu Soo Dhaweeyay Deegaanka Oog Ee Gobolka Sool .
Waxaa maanta si Balaadhan loogu soo dhaweeyay Deegaanka OOG Ee Gobolka Sool Murashaxa Madaxweyne Ee UCID Eng Faysal Cali Waraabe .
Murashaxa ayaa soo dhawayn aad u balaadhan kala kulmay shacabka Deegaankaasi, kuwaas oo iyagu iskood isu abaabulay .
Waxaana uu Murashax Faysal Cali Waraabe u jeediyay khudbad, isagoo sheegay in ay u socdaan ka qeyb galka xafladda Daah-furka Qaadashada kaadhka codaynta oo maalinta barri ah ka furmaya Gobolada Sool iyo Sanaag .
Murashax Faysal Cali Waraabe ayaa carrabka ku adkeeyay in aanay u socon olole, balse u socdaan sidii ay bulshada ugu wacyigalin lahaayeen qaadashada kaadhka codaynta .
Murashax Faysal Cali Waraabe ayaa Taageero dhab ah oo aan dhalanteed ahayn ka haysta bulshooyinka ku dhaqan Gobolada Bari Ee Somaliland .
